Mehr Kameras für Deutschland

In Deutschland hams jetzt oan daschlogn,
da Politik liegt des schwa im Mogn.
Eam hams zomgschlogn wie a Stück Vieh,
wievü er glittn hot, wos woas denn i.

 Da Minister für Inneres hot do scho an Plan,
dass sowas nimmer passieren kann.
So fangt da Friedrich o zum Denga,
überoi soin Kameras hänga.

 An sämtliche Orte, de öffentlich san,
hängt automatisch da Big Brother dran.
Wird schwa, dassd dann an Fleck zum Pullern findst,
net dassd mitten drunter vu da Leinwand grinst.

 Doch a Frage foit do oan ei:
wos mocht eigentlich de Polizei?
Anstatt dass auf de Bürger schauat,
wird eben jene gern aufglauert.

 Foast a weng schneller, ganz ohne bechern,
gheast glei zu den Schwerverbrechern.
Host oamoi an Scheiss baut, und dann nie mehr,
kummt immer wieder de oide Leier daher.

 Hot ma oamoi wos angstellt, dann wirds für oan fad,
vergeben tuat Jesus, doch niemals der Staat.
De Polizei muas ma do wirklich verstehn,
wennst dein Mitbürger jagst, kannst net olles sehn.

 Drum ko ma do nur eines mocha,
vu jeden Hauseck muas a Kamera locha.
Aus is dann mit da privaten Sphäre,
ois wie wenn de so wichtig wäre.

 Und wenns den nächsten Buam datreten,
wie soidn da Big Brother retten?
Bis d’Kiwara auf da Mattn stehn,
is ums Opfer vielleicht scho gschehn.

9 thoughts on “Mehr Kameras für Deutschland

  1. Pingback: Payday loans
  2. Pingback: Cheap FUT 16 Coins
  3. Pingback: fifa 16 ps4 coin
  4. Pingback: steam buy cs go
  5. Pingback: key for cs go
  6. Pingback: scooter tire

Wie denkst Du darüber? Hinterlasse Deine Meinung!